Rtv Pendimi
Lajme

Shënohet 20-vjetori i themelimit të Policisë së Kosovës

Policia e Kosovës në kuadër të aktiviteteve për nder të 20-vjetorit të themelimit ka prezantuar sot në sheshin “Zahir Pajaziti” disa nga mjetet që përdoren gjatë punës së tyre, raporton Anadolu Agency (AA).

Zëvendësdrejtori i Policisë së Kosovës, Samedin Mehmeti tha se këtë javë do të kenë aktivitete të ndryshme, përfshirë aktivitete sportive, hapjen e portave të stacioneve policore për vizitorë, etj.

Mehmeti duke prezantuar disa nga pajisjet e Policisë, përfshirë disa robotë, qen, kanë përgatitur për qytetarët bexhe, fletushka e lapsa të cilët kishin ardhur në shesh t’i shohin nga afër pajisjet policore.

“Ne sot po shënojmë shumë aktivitete në kuadër të 20-vjetorit të themelimi të Policisë së Kosovës që kanë filluar më herët dhe do të zgjasin deri me datë 6 shtator. Ky aktivitet është për qytetarët dhe i ftojmë që të vijnë dhe të njihen për së afërmi me pajisjet tona. Gjithë qytetarët jeni të mirëseardhur për ta festuar ditën e 20-vjetorit të policisë që do të përmbyllet më 6 tetor e ku do të ketë shumë aktivitete. Sukseset tona janë sukses i gjithë qytetarëve”, ka thënë Mehmeti.

Të pranishëm ishin njësite të ndryshme, si Forenzika, Skuadra e bombave, Skuadra e reagimit të shpejtë, e shumë njësi të tjera.

Të premten do të jetë dita përmbyllëse e aktiviteteve të Policisë kur do të shfaqet një film-dokumentar rreth historikut të saj që nga themelimi.

Të ngjajshme

Raporti i OBSH-së: Rekord i ri rastesh ditore!

Kushtrim Guraj

Kosova pranon donacion nga Jordania për menaxhimin e COVID-19

Kushtrim Guraj

Kompanitë turke prodhojnë mini-tank pa ekuipazh

Kushtrim Guraj

BE ndihmon Kosovën me donacion në vlerë 800 mijë euro në përballjen me COVID-19

Kushtrim Guraj

“Franca luan lojë të rrezikshme në Libi”

Kushtrim Guraj

Rama: Shqipëria e ka detyrim të mbështesë Kosovën pa kushte

Kushtrim Guraj

Thaçi: Nëse aktakuza konfirmohet, do të jap dorëheqje

Kushtrim Guraj

Turqia kreu operacionin më të madh kundër drogës

Kushtrim Guraj

BIK vendos: Anulohet haxhillëku

Kushtrim Guraj

* Nëse radiot nuk funksionojnë, Kliko KËTU