Rtv Pendimi
Lajme

“Shkëmbimi tregtar Turqi-Ballkan ka shënuar rritje gjatë 15 viteve”

Shkëmbimi tregtar mes Turqisë dhe shteteve të Ballkanit ka shënuar rritje të konsiderueshme në 15 vitet e fundit, tha sot Rifat Hisarcıklıoğlu, kryetari i Unionit të Dhomave dhe Bursave të Turqisë (TOBB), raporton Anadolu Agency (AA).

Duke folur gjatë Forumit të Biznesit në Sarajevë (SBF), Hisarcıklıoğlu tha se krahas krizës ekonomike, shkëmbimi tregtar është rritur në rreth 30 miliardë dollarë nga rreth 3 miliardë dollarë.

“Ballkani gjeografikisht për Turqinë paraqet derë hyrëse në kontinentit evropian”, tha ai, duke shtuar se “në të njëjtën mënyrë, Turqia është derë hyrëse në tregjet e Azisë dhe Lindjes së Mesme”.

Hisarcıklıoğlu theksoi se ekzistojnë më shumë se 100 kompani turke në Bosnjë e Hercegovinë, kryesisht që funksionojnë në sektorin bankar, bujqësisë, prodhimtarisë, ndërtimit dhe turizmit.

“Investimet totale të këtyre kompanive në Bosnjë janë më shumë se 678 milionë dollarë ndërsa punësojnë rreth 4.000 persona. Marrëveshja për tregti të lirë mes Turqisë dhe Bosnjës ka nxitur shkëmbimin tregtar nga 71 milionë dollarë në vitin 2003 në nivelin aktual prej rreth 700 milionë dollarëve”, tha ai.

Hisarcıklıoğlu tha se dy vendet synojnë të rrisin shkëmbimin tregtar në të paktën 1 miliard dollarë.

Duke komentuar rreth forumit të biznesit, ai tha se TOBB do të vazhdojë të mbështesë SBF-në në vitet e ardhshme.

“Ky forum është mbajtur në mënyrë të rregullt në dekadën e fundit dhe tani është shndërruar në një markë globale duke tërhequr investitorë nga mbarë bota”, tha ai.

Anadolu Agency është partneri global i komunikimit i forumit treditor në Bosnjë e Hercegovinë, të quajtur “Davosi i Ballkanit”, ku Turqia ka një rol të rëndësishëm.

Forumi që mbahet nga viti 2010, këtë vit organizohet nën moton “një rajon, një ekonomi”.

Të ngjajshme

VIHET GURTHEMELI I XHAMISË SË RE NË FSHATIN LUBIN TË SARAJIT

Qëndrim Ibrahimi

Grenell në Prishtinë: Dëshirojmë të bëjmë progres në këtë rajon

Urim Isma

“Mbi 600 protestues të vdekur gjatë demonstratave në Irak”

Urim Isma

Pas zjarreve dhe stuhisë, Australia përballet me kërcënimin e merimangave helmuese

Urim Isma

Shoqata “Jetimat e Ballkanit” ndan edhe 10 shtëpi për familjet e pastreha në Lipjan

Urim Isma

29 vjet nga rihapja e xhamisë së Et’hem Beut në Tiranë pas komunizmit (VIDEO)

Kushtrim Guraj

Alarmante: Numër i madh i vetëvrasjeve në Kosovë

Hevzi Hasani

Kancelarja gjermane Angela Merkel kërkon embargo të armëve ndaj Libisë

Urim Isma

Instituti i Shëndetësisë: Ajri i pashëndetshëm – mos dilni jashtë pa ndonjë nevojë të domosdoshme

Urim Isma