Rtv Pendimi

Si të kuptoni që dikush ka hyrë në Facebookun tuaj dhe si ta ndalni

Me çkyqjen nga Facebooku nuk keni zgjidhur problemin e rrezikut që dikush të vazhdojë t’ju vëzhgojë nëpër profilin tuaj.

Por ka një mënyrë për të gjetur nëse një person tjetër është duke përdorur kompjuterin tuaj – qoftë edhe ish partneri – dhe i cili përgjon llogarinë tuaj në Facebook.

Në vijim po ju paraqesim procedurën se si ta kuptoni nëse dikush ka hyrë në Facebookun tuaj dhe si ta ndalni atë.

Kur kyçeni në Facebook (në telefon, tablet ose kompjuter), shkoni në këto opsione:

Settings > Security > Where you’re logged on

Kur të klikoni mbi “Edit”, do t’ju shfaqet një faqe në të cilën mund të shikoni se ku jeni kyçur në Facebook dhe përmes cilës pajisje.

Jo vetëm kaq, ju mund të shihni edhe nëse Facebooku juaj është përdorur në kompjuter, smartfon ose Android.

Madje edhe IP adresa është e zbuluar, që do të thotë se mund të gjeni lokacionin e pajisjes si dhe cila ishte hera e fundit që përmes kësaj pajisjes është kyçur llogaria juaj.

Nëse doni të shihni edhe disa detaje tjera të cilat ju japin arsye për shqetësim, ka një mënyrë për të ndaluar kyçjet e padëshiruara.

Në çdo sesion ekziston butoni “End activity”, shkruan “The Mirror”. Thjesht klikoni mbi të për të përfunduar atë sesion.

 

Në celular, vetëm duhet të klikoni “X” te secili sesion.

Gjithashtu, mund të mbroni veten edhe në të ardhmen.

Aktivizoni alarmet për kyçje të cilat do t’ju njoftojnë kur dikush ka provuar të hapë llogarinë tuaj me ndonjë nga pajisjet (telefon, tablet ose kompjuter).

Për të aktivizuar këto alarme duhet të shkoni në Settings > Security > Login Alerts.

Nëse doni që të përforconi sigurinë, ekziston mundësi që të shtoni edhe një nivel shtesë.

Për ta bërë këtë, duhet të shkoni në Settings > Security > Login Alerts> Approvals. Përmes kësaj mënyre ju mund të vendosni një mënyrë tjetër për t’u kyçur, për shembull, përmes dërgimit të kodeve në telefonin tuaj në momentin kur doni të kyçeni në llogarinë tuaj të Facebookut.

TË NGJAJSHME