Rtv Pendimi
Shkenca dhe teknologjia

Stamboll, hapet qendra teknologjike e Microsoft-it

Të enjten në Stamboll u hap qendra e parë e teknologjisë se gjeneratës më të re të Microsoft-it në rajonin e Lindjes së Mesme dhe Afrikës, raporton Anadolu Agency (AA).

Në fjalimin e tij në ceremoninë e inaugurimit, Ministri i Industrisë dhe Teknologjisë së Turqisë, Mustafa Varank, tha se fabrika e re pritet që të rrisë vlerën e ekonomisë kombëtare për 2,5 miliardë lira turke (430 milionë dollarë).

Sipas ministrit Varank, qendra e re është dëshmi e besueshmërisë ndaj Turqisë dhe e njëjta do të përmbushë nevojat e tregut vendas dhe ndërkombëtar përmes teknologjisë së gjeneratës më të re që do të prodhohet në sfera të ndryshme, si bujqësi, prodhimtari, shëndetësi, energjetikë, automjete, financa dhe shitje në pakicë.

“Ne do të ndërmarrim të gjitha hapat e nevojshëm për ta shndërruar Turqinë në njërin prej shteteve kryesore të teknologjisë së re siç është transformimi digjital dhe inteligjenca artificiale”, tha ai.

Ali Taha Koc, kryetari i zyrës presidenciale për transformim digjital, tha se hapja e qendrës paraqet një shembull për kompanitë ndërkombëtare që planifikojnë të investojnë në Turqi.

Murat Kansu, drejtori i përgjithshëm i “Microsoft Turkey”, tha se qendra do të paraqesë mbështetje shtesë për eksportet turke të software-it.

“Duke u shërbyer rajoneve të Lindjes së Mesme dhe Afrikës, qendra jonë do të mirëpresë biznesmenë nga jashtë dhe ata do të takohen me teknologjitë e gjeneratës më të re të zhvilluara nga partnerët tanë të biznesit”, tha Kansu, i cili shtoi se “do të shërbejnë si një urë lidhëse mes software-it vendas dhe tregjeve ndërkombëtare përmes grupeve ndërkombëtare.

Kansu theksoi se kompania gjithashtu ka për qëllim që të shndërrojë Turqinë në një qendër atraktive për teknologjinë dhe të përforcojë turizmin teknologjik të vendit.

Të ngjajshme

Zoom, Google Meet apo Facebook Messenger Rooms: Cili është aplikacioni më i përshtatshëm për komunikim virtual

Kushtrim Guraj

COVID-19, Google do të ndjekë nëse njerëzit qëndrojnë në shtëpi

Kushtrim Guraj

Coronavirusi: A duhet ta pastrojmë telefonin shpesh?

Kushtrim Guraj

Kamerat e vëzhgimit tani do të zbulojnë automatikisht njerëzit me temperaturë

Qëndrim Ibrahimi

Interneti 5G do të ndryshojë jetën rrënjësisht

Qëndrim Ibrahimi

Google merr një veprim interesant

Kushtrim Guraj

Në 2030 shumica e automjeteve në tregun botëror do të jenë elektrike

Kushtrim Guraj

Rritet tregu i automjeteve në BE

Kushtrim Guraj

Si ta shihni kush e përdor Wi-Fi tuaj?

Kushtrim Guraj

* Nëse radiot nuk funksionojnë, Kliko KËTU