Një gjykatë në Norvegji ka gjobitur Tesla pasi një azhurnim softueri i lëshuar në vitin 2019 ngadalësoi shpejtësinë e karikimit të baterisë dhe ndikoi në numrin e miljeve që disa prej automjeteve të saj mund të udhëtonin midis mbushjeve.
Sipas mediave të huaja, përcjell Telegrafi, çështja u soll nga 30 klientë, raporton platforma norvegjeze e lajmeve Nettavisen.
Gjoba arrin në 136,000 Koronë Norvegjeze (rreth 13.300 euro) për secilin ankues.
Tesla nuk paraqiti një përgjigje, tha Nettavisen, por tani mund të apelojë.
Ndryshimi preku automjetet Tesla Model S të bëra midis 2013 dhe 2015. Bateria e përfshirë nuk është prodhuar që nga viti 2016.
Pavarësisht se ishte krijuar për të “mbrojtur” bateritë, azhurnimi reduktoi diapazonin dhe ndikoi në shpejtësinë e ngarkimit të baterisë në stacionet Supercharger për disa pronarë të Tesla, argumentuan ankuesit.
Një klient, David Rasmussen, i tha faqes në internet Electrek se diapazoni në Tesla Model S të tij kishte rënë nga 247 milje në 217 milje brenda pesë javësh nga shkarkimi i azhurnimit.
Në vitin 2016, Tesla bëri marrëveshje jashtë gjykatës me 126 klientë në Norvegji të cilët thanë se automjetet e tyre nuk përputheshin me pretendimet e bëra nga firma në materialin e saj të marketingut. /Telegrafi/