Rekordi u vendos në liqenin e ngrirë Baikal në Rusi, dhe Lamborghini SUV po garonte në sipërfaqen e akullt me ​​një shpejtësi prej 298 km / orë, e cila është vetëm 7 km më pak sesa ka deklaruar kompania se kjo veturë e ka shpejtësinë maksimale.

Anderj Leontijev ishte pas timonit të Urus, dhe rekordi u vendos gjatë veprimtarisë “Ditët e Shpejtësisë” të organizuar nga kompania “LAV racing”, transmeton Telegrafi.

Lamborghini deklaron se rekordi u arrit në prani të përfaqësuesve të FIA dhe RAF (Federata Ruse e Automjeteve) dhe se rezultati do të verifikohet zyrtarisht në prill.

Si kujtesë, Urus SUV është mundësuar nga një 4.8-litër twin-turbo V8 me 650 kuaj fuqi (478 kW) dhe 850 Nm. Ky automobil përshpejton në 100 km / orë në 3.6 s dhe arrin 0-200 km / orë në 12.8 s.

Shpejtësia maksimale është 305 km / orë. /Telegrafi/