Rtv Pendimi
Lajme

Turqi, parlamenti miraton mocionin për të zgjatur vendosjen e trupave në Irak dhe Siri

Parlamenti i Turqisë ka miratuar një mocion për zgjatjen e kompetencave të shtetit për të filluar operacione ushtarake ndërkufitare në veri të Irakut dhe Sirisë edhe për një vit tjetër, raporton Anadolu Agency (AA).

Mocioni u miratua para operacionit të planifikuar të Turqisë për zonën e sigurt në veri të Sirisë.

Partia në pushtet, ajo për Drejtësi dhe Zhvillim (AK), partia kryesore opozitare, ajo Popullore Republikane (CHP) dhe dy parti të tjera opozitare, Partia e Lëvizjes Nacionaliste (MHP) dhe Partia IYI mbështetën mocionin, ndërsa Partia Demokratike e Popujve (HDP) votoi kundër.

Mocioni, i cili u paraqit nga qeveria e presidentit turk, Recep Tayyip Erdoğan, lejon ushtrinë turke të kryej operacione ndërkufitare edhe për një vit tjetër. Mocioni i mëparshëm vlente për periudhën kohore nga 30 tetori i vitit 2018 deri më 30 tetor të vitit 2019.

Mocioni deklaron se Turqia i kushton rëndësi të madhe mbrojtjes së integritetit territorial, unitetit kombëtar dhe stabilitetit të Irakut.

“Megjithatë, ekzistenca e PKK-së dhe DEASH-it në Irak paraqet një kërcënim të drejtpërdrejtë për paqen rajonale, stabilitetin dhe sigurinë e vendit tonë”, thotë mocioni.

Ndërkohë, mocioni po ashtu thotë se Turqia ka vazhduar aktivietet e sigurisë në lindje të Eufratit në përputhje me interesin e saj të ligjshëm të sigurisë.

Që nga viti 2016, operacionet “Mburoja e Eufratit” dhe “Dega e Ullirit” në veriperëndim të Sirisë kanë çliruar rajonin nga terroristët e YPG/PKK-së dhe DEASH-it, duke u mundësuar sirianëve që shpëtuan nga dhuna të kthehen në shtëpitë e tyre.

Turqia që moti ka denoncuar kërcënimin nga terroristët në lindje të Eufratit në veri të Sirisë, duke u zotuar për veprime ushtarake për të parandaluar formimin e një “korridori terrorist” atje.

Në fushatën e saj terroriste mbi 30-vjeçare kundër Turqisë, PKK-ja e listuar si një organizatë terroriste nga Turqia, SHBA dhe Bashkimi Evropian (BE), ka qenë përgjegjëse për vdekjen e rreth 40 mijë personave, përfshirë gra, fëmijë dhe foshnje. YPG-ja është dega siriane e organizatës terroriste PKK.

Të ngjajshme

“Urime Fitër Bajrami nga RTV Pendimi”

Kushtrim Guraj

Francë, lejohet sërish hapja e vendeve të adhurimit

Kushtrim Guraj

Pesëmbëdhjetë shtete arabe Fitër Bajramin do ta festojnë të njëjtën ditë me Turqinë

Kushtrim Guraj

Gaza, falet namazi i parë i xhumasë pas ndërprerjes dymujore për shkak të pandemisë

Kushtrim Guraj

Kosovë, Bashkësia Islame merr vendim për mos hapjen e xhamive për Fitër Bajram

Kushtrim Guraj

Bisedë telefonike Pendarovski-Kurti: Bashkëpunimi, i rëndësishëm në luftën kundër COVID-19

Kushtrim Guraj

BIK-u: Fitër – Bajrami të dielën më 24 maj 2020

Kushtrim Guraj

Xhamitë në Kosovë të mbyllura deri në qershor: Imamët ndjekin këshillat e ekspertëve

Hevzi Hasani

Turqi, namazi i Bajramit nuk do të falet në xhami për shkak të COVID-19

Hevzi Hasani

* Nëse radiot nuk funksionojnë, Kliko KËTU