Rtv Pendimi
Lajme

Turqia dënon vendimin e BE-së për të suspenduar bisedimet e nivelit të lartë

Vendimi i Këshillit Evropian (KE) për të suspenduar bisedimet e nivelit të lartë me Ankaranë nuk do të ndikojë në vendosmërinë e Turqisë për të vazhduar aktivitetet për hidrokarbure në Mesdheun Lindor, thonë nga Ministria turke e Punëve të Jashtme, raporton Anadolu Agency (AA).

Turqia do të vazhdojë të mbrojë të drejtat e qipriotëve turq dhe do të rrisë aktivitetet e saj në këtë aspekt, qëndron në kumtesën e lëshuar nga ministria.

Në të po ashtu thuhet se “ky vendim tregon se sa paragjykues dhe i njëanshëm është Bashkimi Evropian në çështjen e Qipros pasi qipriotët turq, të cilët kanë të drejta të barabarta për burimet natyrore të ishullit nuk përmenden dhe injorohen”.

Ky vendim, sipas Ministrisë së Jashtme turke, është shembulli i fundit se si grekët dhe qipriotët grekë e keqpërdorin anëtarësimin në BE në përputhje me pozitat e tyre maksimaliste dhe se si vendet anëtare të BE-së janë bërë një instrument për kryerjen e këtij keqpërdorimi.

KE publikoi një deklaratë përfundimtare pas takimit të djesheëm teë Këshillit të BE-së për çështje të jashtme ku morën pjesë ministrat e Jashtëm të vendeve anëtare.

Në kumtesën e Këshillit thuhet se për shkak të “aktiviteteve të vazhdueshme dhe të reja të shpimeve ilegale të Turqisë, Këshilli do të suspendojë bisedimet për Marrëveshjen Gjithëpërfshirëse të Transportit Ajror dhe ka rënë dakord që të mos mbahet Këshilli i Asociimit dhe takimet e mëtejme të dialogut të nivelit të lartë BE-Turqi për momentin”.

Të ngjajshme

29 vjet nga rihapja e xhamisë së Et’hem Beut në Tiranë pas komunizmit (VIDEO)

Kushtrim Guraj

Alarmante: Numër i madh i vetëvrasjeve në Kosovë

Hevzi Hasani

Kancelarja gjermane Angela Merkel kërkon embargo të armëve ndaj Libisë

Urim Isma

Instituti i Shëndetësisë: Ajri i pashëndetshëm – mos dilni jashtë pa ndonjë nevojë të domosdoshme

Urim Isma

Në mungesë të qeverisë, zgjidhja për buxhetin bie mbi Kuvendin

Urim Isma

Harvardi zgjedh Kuranin si librin më të mirë për drejtësi, citon këtë ajet

Qëndrim Ibrahimi

BE përgatitet për një valë të mundshme migrimi nga Libia

Urim Isma

Ndotja e ajrit po kërcënon shëndetin e qytetarëve, IKSHP jep rekomandime si të mbrohemi

Urim Isma

Presidenti Thaçi thotë se institucionet janë në gatishmëri pas tërmetit në veri

Urim Isma