Rtv Pendimi
Lajme

“Turqia gjithmonë ka qenë pranë popullit shqiptar”

Agjencia Turke për Bashkëpunim dhe Koordinim (TIKA) ka realizuar projektin e rikonstruksionit dhe mobilimit të konviktit të nxënësve në qytetin e Çorovodës në Bashkinë e Skraparit në Shqipëri, raporton Anadolu Agency (AA).

Në ceremoninë e inaugurimit të përfundimit të punimeve të rikonstruksionit dhe mobilimit të konviktit që administrohet nga Bashkia e Skraparit merrnin pjesë presidenti i Shqipërisë, Ilir Meta, nënkryetari i TIKA-s, Prof. Dr. Birol Çetin, ambasadori i Turqisë në Tiranë, Murat Ahmet Yörük, koordinatori i TIKA-s në Shqipëri, Necip Özay Özütok, si dhe drejtues të Bashkisë së Skraparit.

Presidenti Meta, gjatë prononcimit për AA tha se kushtet e reja të konviktit japin mundësitë që t’i kushtohet më shumë vëmendje edhe përmbajtjes së edukimit të formimit të fëmijëve.

“Dëshiroj të shpreh kënaqësinë më të madhe për këtë investim të mrekullueshëm që është bërë sot në Bashkinë Skraparit. Falënderimi i parë i shkon shtetit vëlla të Turqisë, ambasadorit dhe TIKA-s, të cilët kanë bërë një investim të jashtëzakonshëm. Është një investim që jam i sigurt se duhet ta falënderojnë të gjithë fëmijët, të gjithë prindërit e tyre, të cilët janë shumë më të qetë e shumë më të sigurt për këto kushte të mrekullueshme që janë krijuar këtu, por edhe i gjithë komuniteti i Skraparit”, theksoi Meta.

Presidenti Meta tha se ambasadori turk dhe TIKA i kushtojnë vëmendje investimeve në shumë fusha në Shqipëri, sidomos në fushën e arsimit, sipas tij, për kushtet e fëmijëve për të studiuar e për të jetuar sa më mirë.

Nënkryetari i TIKA-s, Prof. Dr. Birol Çetin për AA theksoi se sivjet do të festojnë vitin e 23-të të themelimit të zyrës së TIKA-s në Shqipëri.

“Kemi realizuar mbi 500 projekte në Shqipëri dhe 110 nga këta janë në fushën e arsimit. Jam i sigurt që bashkëpunimi do të vazhdoj”, u shpreh Çetin.

Ndërsa ambasadori Yörük tha se në kuadër të lidhjeve të miqësisë dhe vëllazërisë, Turqia gjithmonë ka qenë pranë popullit shqiptar.

“Ne gjithmonë kemi qenë pranë popullit shqiptar, gjithmonë kur ka pasur nevojë kemi realizuar projekte të ndryshme si në fushën e arsimit, shëndetësisë, restaurimin e monumenteve kulturore dhe në infrastrukturë. Të jeni të sigurt që ky bashkëpunim do të vazhdoj edhe në të ardhmen. Këto projekte rrjedhin nga dashuria që ne kemi për popullin shqiptar, si dhe nga politika e jashtme e qeverisë tonë. Sot jemi të gëzuar nga fakti që po realizojmë inaugurimin e përfundimit të punimeve të rikonstruksionit të këtij konvikti”, tha ambasadori turk.

Konvikti që administrohet nga Bashkia e Skraparit me një kapacitet për 200 nxënës do të jetë në shërbim për nxënësit e shkollave të qytetit të Çorovodës. TIKA ka realizuar rikonstruksionin e godinës si dhe mobilimin me pajisje të ndryshme.

Që kur ka filluar aktivitetet e saj në Shqipëri në vitin 1996, TIKA ka realizuar projekte në fusha të ndryshme si në arsim, shëndetësi, infrastrukturë dhe në mbrojtjen e trashëgimisë kulturore.

Të ngjajshme

Kosova pranon donacion nga Jordania për menaxhimin e COVID-19

Kushtrim Guraj

Kompanitë turke prodhojnë mini-tank pa ekuipazh

Kushtrim Guraj

BE ndihmon Kosovën me donacion në vlerë 800 mijë euro në përballjen me COVID-19

Kushtrim Guraj

“Franca luan lojë të rrezikshme në Libi”

Kushtrim Guraj

Rama: Shqipëria e ka detyrim të mbështesë Kosovën pa kushte

Kushtrim Guraj

Thaçi: Nëse aktakuza konfirmohet, do të jap dorëheqje

Kushtrim Guraj

Turqia kreu operacionin më të madh kundër drogës

Kushtrim Guraj

BIK vendos: Anulohet haxhillëku

Kushtrim Guraj

Hoti: Liberalizimi i vizave mbetet një nga çështjet më urgjente që duhet të zgjidhim

Kushtrim Guraj

* Nëse radiot nuk funksionojnë, Kliko KËTU