Rtv Pendimi
Shëndetësi

Ushqimet që pastrojnë mëlçinë

Çfarëdo që gjatë gjithë jetës konsumojmë, e gjitha kalon nëpërmjet mëlçisë tonë. Kjo është arsyeja pse ky organ vuan dhe absorbon të gjitha shprehitë tona të këqija të të ushqyerit dhe me anë të punës së saj e mbron trupin tonë. A doni të bëni gjënë e duhur për trupin dhe mëlçinë tuaj, pra mësoni se si ta mbani mëlçinë të shëndetshme dhe me çka të “pastrohet”.

Ushqimet e skuqura dhe të yndyrshme, pijet jo të shëndetshme, alkooli dhe droga janë armiqtë kryesorë të mëlçisë sonë, e cila në trup luan funksionin e filtrit që pastron trupin prej substancave të dëmshme. Por për shkak të punës së madhe që kryen, mëlçia mund të jetë shumë e ngarkuar, gjë e cila mund të shkaktojë probleme shëndetësore.

Duke pasur parasysh se mëlçia nuk është e lidhur me sistemin tonë nervor, mëlçia e sëmurë nuk do të na dhembë, dhe në këtë mënyrë është shumë e vështirë për të zbuluar sëmundjen. Por, një lajm i mirë është se mëlçia rigjenerohet dhe pothuajse çdo dëm mund të riparohet.

Në vazhdim do të paraqesim ushqimet që e pastrojnë mëlçinë:

– Hudhra: Hudhra stimulon krijimin e enzimeve që ndihmojnë trupin për të dëbuar toksinat. Edhe pse kjo lë një aromë jo të këndshme në gojën tonë, ajo prapëseprapë duhet të konsumohet se i bën mirë shëndetit tonë.

– Agrumet: Frutat agrume, të pasura me vitaminë C janë antioksidantë të fuqishëm që ndihmojnë mëlçinë që shpejt të absorbojë substancat e dëmshme.

– Karota: Panxhari dhe karota, të dyja janë të pasura në flavonoide dhe beta-karoten. Stimulojnë mëlçinë për të përmirësuar funksionimin e saj.

– Çaji i gjelbër: Çaji i gjelbër, përbërësi katehin i cili gjendet në këtë çaj, është një antioksidant i fuqishëm që pastron trupin.

– Perimet e gjelbra: Perimet me gjethe të gjelbra janë të mbushura me klorofil dhe janë shumë efektive në neutralizimin dhe mënjanimin e toksinave nga sistemi i gjakut.

– Ananasi: Kjo pemë është përplot me vitaminë C dhe vepron si një duiretik natyror që e liron trupin nga toksinat.

– Menta: Menta, apo më mirë thënë gjethet e mentës janë të pasura me flavanoide që veprojnë si një antioksidant i fuqishëm.

– Xhenxhefili: Ky produkt është një antioksidant shumë i fuqishëm që shpejton metabolizmin dhe ndihmon në dëbimin e yndyrës nga trupi.

– Arrat: Përmbajnë sasi të mëdha të acideve yndyrore omega-3 dhe aminoacide që përshpejtojnë procesin e detoksifikimit.

– Lakra: Lakra, ashtu si brokoli dhe lulelakra, ka efekt të fortë mbi enzimat e mëlçisë që rregullojnë dhe përshpejtojnë punën e saj.

Këto janë ushqimet që e pastrojnë mëlçinë dhe e shpejtojnë metabolizmin. Dhe, ju vazhdimisht duhet të keni kujdes se çka konsumoni që më vonë mos të keni probleme me shëndetin tuaj.

Të ngjajshme

Magnezi, mineral me funksion të gjerë në organizëm

Kushtrim Guraj

Si t’i shëroni thembrat e çara në mënyrë natyrale?

Kushtrim Guraj

Ramazani – muaji i shëndetit

Hevzi Hasani

Përgatitni trupin tuaj për Ramazan me këto këshilla për shëndetin

Kushtrim Guraj

Epidemia e Covid 19 po merr ngadalë rrjedhën e zakonshme të çdo infeksioni viral sezonal

Kushtrim Guraj

Mbrojtja më e mirë kundër çdo virusi

Kushtrim Guraj

A e dini nga vjen fjala Karantena ?

Hevzi Hasani

Stresi dhe shëndeti

Qëndrim Ibrahimi

S’do ju vijë kurrë moment më i mirë për të lënë cigaren

Qëndrim Ibrahimi

* Nëse radiot nuk funksionojnë, Kliko KËTU