Rtv Pendimi
Shëndetësi

Vapa, e rrezikshme për fëmijët!

Edhe pse të gjithë duhet të kenë kujdes gjatë nxehtësive të mëdha, kujdesin më të madh e kërkojnë fëmijët!

Fëmijët absorbojnë sasinë më të madhe të ngrohtësisë, ndërsa ekspertët theksojnë që më e rrezikshmja është të lihen fëmijët në automobil pa mbikëqyrje, transmeton Telegrafi.

Po ashtu fëmijët dëshirojnë të jenë aktivë dhe shpesh harrojnë të ndalen për të pushuar dhe për t’u mbushur frymë, ndërsa nuk janë në gjendje të dëgjojnë trupin e tyre.

Nxiteni fëmijën në aktivitet fizik, por le të jetë i hidratuar mirë dhe vazhdimisht të ndalet për të pushuar dhe rregulluar frymëmarrjen. Për çdo 20 minuta aktivitet fizike gjatë verës, fëmija duhet të pijë 235 ml ujë.

Pavarësisht nga aktivitetet fizike në ujë (deti, pishinat), fëmija po ashtu duhet të pijë sasi të mjaftueshme të ujit për të mbetur i hidratuar dhe mbrojtur nga nxehtësia.

Larja në det pse pishinë do të freskojë trupin tuaj, por nuk do të zëvendësojë ujin i cili është i nevojshëm për organizmin tuaj dhe çdo qelizë në trup. Le të pijë vazhdimisht ujë fëmija juaj, ndërsa po ashtu rregullisht përdorni edhe kremin për rrezitje.

Edhe pse shenjat e lodhjes nga nxehtësia varen nga mosha e fëmijës, ju sjellim ato më të shpeshtat për të gjithë moshat: dhimbja e kokës, të përzierat, vjellja, ngërçet në muskuj, etja dhe goja e thatë, ndryshimet e shpeshta të disponimit, sjellja tekanjoze, ngjyra e errët e urinës, puçrrat dhe skuqjet në lëkurë.

Nëse dyshoni në gjendjen e lidhur me nxehtësinë apo vapën, më së miri ndërmerrni këto veprime: largoni fëmijën nga dielli dhe shkoni me të në hije, jepini ujë të ftohë, mbulojeni me peshqir të lagët, fëmija duhet të ulet në karrige ashtu që këmbët t’i ketë të ngritura mbi zemër, nëse simptomat nuk kalojnë, thërrisni ndihmën e shpejtë.

Sulmi i nxehtësisë është rast urgjent, ndërsa shenja e parë është niveli i zvogëluar i vetëdijes. Nëse e vëreni këtë gjë te fëmija, thirreni menjëherë urgjencën për të mos ardhur te pasojat më serioze ose vdekja! /Telegrafi/

Të ngjajshme

Mjalti dhe hudhra, ilaçi më i fuqishëm në botë!

Urim Isma

Ushqimet që lehtesojnë traumat e termetit tragjik

Hevzi Hasani

A pini duhan? Dëmtimet e shkaktuara në mushkëri nga duhanpirja, mund të riparohen duke ngrënë mollë dhe domate

Urim Isma

Sëmundjet të cilat i shërojnë mjalti dhe arrat: Më së shumti duhet t’i hani gjatë dimrit!

Urim Isma

Pse duhet të vraponi gjatë dimrit?

Urim Isma

Çfarë domethënie kanë tri ngjyra në pastën e dhëmbëve dhe përse janë të rëndësishme

Urim Isma

Të jesh pacient në Kosovë…

Kushtrim Guraj

Çka i ndodh trupit kur e ndaloni konsumimin e sheqerit?

Urim Isma

SI TË HEQIM DORË NGA DUHANI?

Hevzi Hasani