Rtv Pendimi
Shkenca dhe teknologjia

VW zyrtarisht me fabrikë në Turqi, kjo është vlera e mega-investimit

Prodhuesi gjerman i automobilave, Volkswagen e ka hapur zyrtarisht degën në Turqi, duke e bërë krahinën perëndimore Manisa si qendrën e ardhshme të prodhimit.

Sipas një njoftimi të sotëm në Gazetën e Regjistrit të Tregtisë, Volkswagen mori vendim përfundimtar për krijimin e një punëtorie në Turqi, duke e quajtur zyrtarisht Volkswagen Turkey Automobile Industry and Trade Inc.

Fillimisht, ishin pesë vendet kandidate për fabrikën e re VW. Numri përfundimisht ra në dy, duke marr në konsideratë vetëm Turqinë dhe Bullgarinë.

Fabrika e re e makinerive gjermane pritet të fillojë prodhimin në 2022 me vlerë prej 165 milion dollarë në dispozicion.

Kompania planifikon të kryejë një gamë të gjerë të proceseve të prodhimit në fabrikën e re, e veçanërisht projektimin, prodhimin dhe montimin e automjeteve, kamionëve dhe mjeteve të tjera, si dhe pjesëve përbërëse të tyre. Shitja, importi dhe eksporti i këtyre produkteve do të kryhen gjithashtu nga uzina me bazë në Turqi.

Planet e Volkswagen në Turqi filluan të dalin në pah pasi Drejtori Gjeneral Herbert Diess bëri një vizitë në qershor dhe u takua me Presidentin Rexhep Tajip Erdogan.

Turqia ka një histori automobilistike pothuajse 50 vjeçare. Si një nga vendet kryesore në botë në sektorin e automobilave, Turqia ka marrë investime nga shumë marka, duke përfshirë Fiat, Renault, Mercedes-Benz, MAN, Otokar, Isuzu, Honda, Hyundai, Toyota dhe Temsa. Përveç infrastrukturës së qëndrueshme në industrinë e furnizuesve të automobilave, Turqia gjithashtu ka një fuqi punëtore të kualifikuar me përvojë në këtë sektor.

Në fillim të këtij viti, gjiganti i automobilave njoftoi se do të ndërtojë një fabrikë të re në Evropën Lindore për të prodhuar versionet konvencionale të motorit (benzinë ​​/ naftë) të disa prej modeleve kryesore, pasi do të prodhonte automjete elektrike në fabrikat e saj gjermane për shkak të kufizimeve të emetimeve të gazrave në Evropë. Grupi gjerman gjithashtu ra dakord me Fordin e Amerikës për të prodhuar automjete të lehta tregtare në impiantet e Ford Otosan të Turqisë.

Të ngjajshme

Në 2030 shumica e automjeteve në tregun botëror do të jenë elektrike

Kushtrim Guraj

Rritet tregu i automjeteve në BE

Kushtrim Guraj

Si ta shihni kush e përdor Wi-Fi tuaj?

Kushtrim Guraj

Microsoft është duke punuar në mbi 100 dizajne të reja ikonash

Kushtrim Guraj

Si t’i mbani shpenzimet në nivel të njëjtë edhe kur energjia elektrike shtrenjtohet

Urim Isma

Shtatë gjëra të cilat nuk e keni ditur që mund t’i bëni në Facebook (Foto)

Kushtrim Guraj

WhatsApp sjell funksionin e shumëkërkuar të sigurisë

Kushtrim Guraj

Prodhohet kostumi që ndihmon të paralizuarit të ngrihen në këmbë

Kushtrim Guraj

Çfarë është inteligjenca dhe si matet?

Kushtrim Guraj