Rtv Pendimi

Xiaomi shet 2.12 milionë telefona për vetëm 12 orë

Prodhuesi i famshëm kinez, Xiaomi ka arritur të shesë më shumë se 2 milionë njësi të telefonave të saj brenda 12 orëve pas vënies së tyre në dispozicion për përdoruesit, më 8 prill, kur kompania ka festuar pesë vjetorin e themelimit të saj.

E njohur si Apple nga Kina, Xiaomi mund të mos jetë emër i preferuar në Evropë apo vendet tjera përreth, por në vendin e saj të origjinës, kompania është duke e shënuar momentumin e saj të rëndësishëm, sepse ka arritur që të ofrojë modele të telefonave që garojnë me ato të Saamsung dhe Apple, por me një kosto shumë më të ulët.

Me shitjen e 2.12 milionë njësive të telefonave të saj, Xiaomi ka arritur që t’ia sigurojë vetes rreth 335 milionë dollar në të hyra.

Për kontekst, Apple ka arritur të shesë 75 milionë iPhone në tremujorin e parë të 2015, që i bie rreth 400,000 telefona në çdo periudhë 12 orëshe. Por edhe për Xiaomi, këto arritje janë vetëm brenda 12 orëve dhe jo për tërë tremujorin e saj.

Në të gjithë vitin 2014, Xiaomi ka shitur 61.1 milionë telefona. Analistët në IDC e kanë renditur Xiaomi’në si shitësinë e parë më të madh të telefonave në Kinë në 2014. (Telegrafi)

TË NGJAJSHME