Rtv Pendimi
Shkenca dhe teknologjia

Zvogëlohet ndjeshëm popullsia e pinguinëve mbretër

Shkencëtarët kanë bërë të ditur se në 30 vitet e fundit është zvogëluar në masë të madhe popullsia e pinguinëve mbretër, transmeton Anadolu Agency (AA).

Sipas një studimi të publikuar në revistën “Antarctic Science”, popullsia e kolonisë më të madhe të pinguinëve mbretër që jetojnë në ishullin francez Cochons në jug të Oqeanit Indian, është zvogëluar për 88 për qind nga vitet e 80-ta.

Gjatë vrojtimeve nga ajri dhe përmes satelitëve në ishull në periudhën mes viteve 2015-2017, është vërejtur prania e 60 mijë çifteve të pinguinëve, ndërkohë që nga vrojtimet e ngjashme në vitet e 80-ta ishin rastisur rreth 500 mijë çifte pinguinësh.

Studiuesit kanë thënë se janë të panjohura shkaqet që kanë çuar në rënien e madhe të popullsisë.

Pinguini mbret, i cili është lloji më trupmadh pas pinguinit perandor, jeton në ishujt me temperatura më të moderuara në veri të Antarktidës.

Studimet e bërë në lidhje me llojet e shpezëve në rajon kanë treguar se popullata e shpezëve është zvogëluar si pasojë e ndryshimeve klimatike.

Të ngjajshme

WhatsApp sjell funksionin e shumëkërkuar të sigurisë

Kushtrim Guraj

Prodhohet kostumi që ndihmon të paralizuarit të ngrihen në këmbë

Kushtrim Guraj

Çfarë është inteligjenca dhe si matet?

Kushtrim Guraj

VW zyrtarisht me fabrikë në Turqi, kjo është vlera e mega-investimit

Kushtrim Guraj

Huawei Mate 30 Pro me ekran që përfshinë edhe pjesët anësore dhe kamerë të fuqishme

Qëndrim Ibrahimi

Rrjetet sociale nxisin depresion tek të rinjtë

Kushtrim Guraj

Google sjell dizajnin e ri për Play Store

Kushtrim Guraj

A është tkurrur mali më i lartë në botë?

Kushtrim Guraj

Stamboll, hapet qendra teknologjike e Microsoft-it

Kushtrim Guraj